Berri txarrak Viñarock-ean

Dakizuenez, ostiral honetan, apirilak 30, BERRI TXARRAK VIÑAROCK jaialdian arituko da, bertako eszenatoki nagusian (Escenario Villarrobledo) eta gaueko 22:15ean hasita. Estatuan dagoen jaialdirik jendetsuenetakoa da Viñarock, urtero Villarrobledon (Albacete) ospatzen dena.

Kontzertuaren aurretik, gainera, taldekideak bertatik bertara ezagutzeko aukera izango du hala nahi duenak, 20:00etatik aurrera sinaketa saioa izango baitu Berri Txarrakek, jaialdiak horretarako atondutako gunean.

Larunbatean, aldiz, Hondarribira joko du, Senser, Loquillo (!), Sexty Sexers, Surfin Kaos eta Estricallaren ondoan aritzeko.ç